———————————————----------------------
निर्गुण भजन - कइसन बाड़े पिया के नगरिया
—--------–—-- ।। स्थाई ।। —---------------
कइसन बाड़े पिया के नगरिया
आऊ उधो बाबा हमके बतईत ए राम
बावे कईसन उहां के डगरिया
उधो बाबा हमके बतईत ए राम
—--------–—-- ।। अंतरा 1 ।। —---------------
कईसन होला उहां घर दुआर
कईसन बा उहवां के लोग
ए बाबा कईसन बा उहवां के लोग
का बावे उहवां के बिधि बेवहार
ए बाबा का लागे भोजन भोग
कईसे लड़ी पिया से नजरिया
उधो बाबा हमके बतईत ए राम
बावे कईसन उहां के डगरिया
आऊ उधो बाबा हमके बतईत ए राम
—--------–—-- ।। अंतरा 2 ।। —---------------
ओतहूं का होखे हित हिताई
सबका से जुडेला का नाता
ए बाबा सबका से जुडेला का नाता
पूछे अवधेश अजय बिहारी
सुगम के नाही बुझाता
ए बाबा , चंदेश्वर के नाही बुझाता
ओतहूं लगेला का ई माया के बजरिया
उधो बाबा हमके बतईत ए राम
बावे कईसन उहां के डगरिया
आऊ उधो बाबा हमके बतईत ए राम
Comments
Post a Comment