सत्संग भजन - मां बेटे ने पूछण लागी अरे बेटा मैं सत्संग मै जा
—--------–—---------------------
मां बेटे ने पूछण लागी,
अरे बेटा मैं सत्संग मै जा,रे मेरे राम रटन के दिन सै,
मां बेटे ने पूछण लागी,
—--------–—---------------------
बेटा ऐ मां ने न्युं उठ बोला,
अरी माता भजले क्यूं ना राम, री तेरे राम रटन के दिन सै,
बेटा ऐ मां ने न्युं उठ बोला,
—--------–—---------------------
एक पड़ोसन मेरी बहू ने सिखावै,
सासु तेरी है सत्संग में जावे,आहे तेरा गाला मै राेवे नंदलाल,
हे तन्ने रोज खेत में जाणा,
बेटा ऐ मां ने न्युं उठ बोला,
—--------–—---------------------
बाहरनै तै मेरा बेटा आ गया,
बहू बेटे ने सिखावन लागी, तेरी माता हो सत्संग में जावै,
आहो मेरा गाला मे राेव नंदलाल,
हो मन्ने रोज खेत में जाण,
बेटा ऐ मां ने न्युं उठ बोला,
—--------–—---------------------
बख्त उठकर धंधा करिए,
दूध बिलो रै फिर रोटी पोइए,अरै हम आप खिलावा नंदलाल ,
रै इसके राम भजन के दिन सै,
बेटा ऐ मां ने न्युं उठ बोला,
—--------–—---------------------
सत्संग का ए बेबे दिया बुलावा,
बहू मेरी तो ए चाय बनावेै, आहे मेरा बेटा बांटें परसाद,
हे मेरे राम रटन के दिन सै,
बेटा ऐ मां ने न्युं उठ बोला,
—--------–—---------------------
वाहे पड़ोसन भाजी आई,
अरेै बेटा मने भी दिए प्रसाद, रे थारे राम रटन के दिन सै।
आज तो ले जा ताई, फैर मत आइए,
आरी म्हारी कर थी, बारह बाट ,
री म्हारे राम भजन के दिन सै,
बेटा ऐ मां ने न्युं उठ बोला,
—--------–—---------------------
इसे बहू बेटे सबके होईयो,
आहे मेरी सेवा करे दिन रात, हे मेरे राम भजन के दिन सै।
बहु बेटे ने साथ दे दिया, मैंने भजन पर जोर दे दिया,
आहे म्हारी हो गई नैया पार, हे मेरे राम रटन के दिन सै,
आहे मेरा हो गया बेड़ा पार, हे मेरे राम रटन के दिन सै,
आहे मेरा हो गया बेड़ा पार, हे मेरे राम रटन के दिन सै,
हे मेरे राम रटन के दिन सै।
Comments
Post a Comment